សណ្ឋាគារ

សណ្ឋាគារឯករាជ្យគឺជាដៃគូទីតាំងសណ្ឋាគារផ្លូវការសម្រាប់ការរៀបចំវេទិកាទេសចរណ៍មេគង្គឆ្នាំ២០២៣។ 

សណ្ឋាគារឯករាជ្យមានទីតាំងស្ថិតនៅលើឆ្នេរឯកជនមួយ ដែលមានចំងាយត្រឹមតែ៥គីឡូម៉ែត្រ ពីទីប្រជុំជន ក្រុងព្រះសីហនុ សណ្ឋាគារឯករាជ្យ ផ្តល់នូវការសម្រាកលំហែកាយជាមួយនឹងសួនច្បារត្រូពិក និងកន្លែងស្នាក់នៅដែលមានទេសភាពសមុទ្រ។ ជា​ទីតាំង​ប្រវត្តិសាស្ត្រ​ដែល​ត្រូវ​បាន​សាងសង់​ឡើង​ដំបូងគេ ​ដើម្បី​អបអរ​ឯករាជ្យ និង​សេរីភាព​របស់​ប្រទេស​កម្ពុជា​ពី​បារាំង​ក្នុង​អំឡុង​ទសវត្សរ៍​ឆ្នាំ១៩៥០ សណ្ឋាគារ​នេះ ​ធ្លាប់​បម្រើ​ជា​កន្លែង​តាំង​បង្ហាញ​សម្រាប់​ព្រះរាជវង្សានុវង្ស​ ដោយ​មាន​ព្រះបាទ​នរោត្តមសីហនុ ទទួល​បន្ទុក​ផ្នែក​រចនា​ខាងក្នុង។ ធ្វើដំណើរ  រយៈពេល២០នាទី ពីព្រលានយន្តហោះអន្តរជាតិខេត្តព្រះសីហនុ និងធ្វើដំណើរ៣.៥ម៉ោង ពីព្រលានយន្តហោះអន្តរជាតិភ្នំពេញ។

សណ្ឋាគារឯករាជ្យ មានបន្ទប់ចំនួន១៥៧ លើផ្ទៃដីទំហំ៣៥ហិចតា ផ្តល់ជូននូវសម្បទាចាំបាច់សម្រាប់ភ្ញៀវក្នុងការស្នាក់នៅដោយមិនមានការរំខាន មានបរិយាកាសស្ងប់ស្ងាត់នៃសមុទ្រ និងព្រៃឈើ។ សណ្ឋាគារនេះក៏មានជម្រើសដ៏ធំទូលាយនៃកន្លែងប្រជុំ ភោជនីយដ្ឋាន និងស្ប៉ា អាងហែលទឹកគ្មានដែនកំណត់ ក៏ដូចជា មានឆ្នេររាបស្មើ អាចដើរលេងកម្សាន្តបានផងដែរ។

សណ្ឋាគារនេះផ្តល់នូវស្តង់ដារអន្តរជាតិលំដាប់ខ្ពស់ និងការលើកកម្ពស់បដិសណ្ឋារកិច្ច លក្ខណៈខ្មែរប្រកប ដោយភាពកក់ក្តៅ ដែលប្រកាន់ខ្ជាប់នូវគោលការណ៍និរន្តរភាព និងការទទួលខុសត្រូវផ្នែកបរិស្ថាន។

តម្លៃពិសេស នឹងមានសម្រាប់ការកក់របស់ប្រតិភូដែលនឹងចូលរួមវេទិកាទេសចរណ៍មេគង្គឆ្នាំ២០២៣។ សូមរង់ចាំមើល!